جارى التحميل
استخدم زر ESC أو رجوع للعودة
يوم عيد ميلادك جيت
ادور عليكى ما لقيت
غير صوره محطوطه ع الحيط
دمعت عيونى يا أمى وبكيت
يوم عيد ميلادك جيت
وبجد انا اتمنيت
اضمك لحضنى
لكنى ع الارض اترميت
سالت دموعى
وم الفرقه انا اتهزيت
صرخت بأعلى صوت
وعليكى يا أمى نديت
شوفت كرسى عليه كنتى بتقعدى
للكرسى انا حنيت
شوفت ايدك ماسكه ايدى
رفعت ايدى لربنا وناديت
تكون الجنه مسواكى
وبدعوتى اترجيت
يوم عيد ميلادك جيت