تلك الشباب الجامحه
اتت كمهره رامحه
اتت بعزيمه مفرحه
يسقط زمن السراب
على جناح المعرفه
الصوت اجمل فلسفه
والعلم اقوى الاسلحه
اتت لينقشع الضباب
حلمت بليالى مفرحه
شمس تضيئ البارحه
فيها المأزن والشيوخ مسبحه
تلك الشباب
كالنجوم فى السماء سابحه
حجبت ثوراتهم
كحرف سرق من كتاب
ذهبت سُدى افعالهم اقوالهم
ع الارض سال دمهم
وكأنهم مطيهُ
فما امره عقاب
من ظلال كاحله
ظهرت مياه موحله
اسفاً لتلك المرحله
دا حلم كان مرسوم يكمل للصباح
طلع النهار زاد العويل زاد النباح
على ورده لسه مفتحه
قطره ندى على خدها
زاد الشباب من حسنها
دمعت كام دمعه شقت بطنها
على عزها على مجدها
دا الكريم ذكر فى كتابه اسمها
قامو الشباب وبيهتفو
وع الكتاب بيحلفو
يصونو عهدك ولا يخلفو
يا بلادى يا أنثى طاهره
ملفوفه ف نقاب
خطت هموم خطت صعاب
زادت همومى
شوفت العجب عجب العجاب
لما غيم تانى بركان من سراب
حفنه سحالى قامت من تحت التراب
مترصده بلادى طالعه ناويالها الخراب
نافشه ريشها متلهفه وقت الحصاد
زى طير فى السما بينظر فريسته
زى صقر او عقاب
ارجعو دا لسه قلب بلادى اخضر
وقلبها فى صدر الشباب
قلبها فى صدر الشباب