مسطول فى حبك يا مصر
****************
قولت وعدت وهارجع اقول
دى البلد الى فيها ابو الهول
من ناسها انا حصلى زهول
وبقيت فيها عايش مسطول
معقول يرجع زمـن الغــــول
معقــــــول ليه مش معقول
هافضل احكى وأقول على طول
ظلموكى ومين المســؤؤل
يا بلاد اتربيت انا فيهـــــــا
وسكنت بيوتها وضواحيهـا
امتى يكون الحال معـدول
ليه ابنك عنـــك معــذول
ليه ينهش فيكى الغربان
ليه يرعى فى ارضك خرفان
ليه مش جايه مع الغلبان
شمتيى فينــا الديــــدان
ولسه هاقول كمان وكمان
بيقولو ان انـــا مسطــــول
طاب يرضيكم حكم الغـول
يرضيكم انى اكون عايش
جوه فى بيتى كمان مزلول
عمـى ابو الهول انطق قول
علمنا العيشــه بأصـــــول
حررنـــا مــــن الخمــــول
ليه ضايع حقى فى بلادى
ليه لحم بلادى منســـول
انا لو ايدى تكون مرعوشه
مش هاعمل قرار معدول
ليه تخلونا كده تايهيــن
مين صــــح دول او دول
مش من حقى اكون مسطول
امتى يا ناس هانلاقى حلول
او مين فاعل ومين مفعول