<!--<!--<!--
خسارتك يا مصر
دى مش أمى ولا دى بلادى
ولا نيلها بيجرى فى فؤادى
مخلاص فكينا الشركه دى
إزى فيكى يموتو ولادى
مهما هاتصرخى او هتنادى
مش هارجع من تانى ودادى
مش بالاسم تكونى بلادى
ليه تحرمى م الحق ولادى
ليه كدا يكتر فيكى حدادى
والظلم فيكى بقى شئ عادى
دى مش امى ولا دى بلادى
ولا نيلها بيجرى فى فؤادى
***
مش عايز منك خير
ولا حتى فى سماكى هاطير
المظاليم بقو فيكى كتير
واقفين فى حدودك طوابير
ازاى عيزانى عليكى اغير
وانتى بتمنعى عنى الخير
ليه تخلينى زليل وكسير
وابقى فى بيتى للظلم اسير
لازم اصرخ صوتى هايوصل للتحرير
لازم احس فيكى بالتغير
مش طالب انى ابقى وزير
او يرجع زمن الحناطير
مهما بتقسى انا قلبى كبير
***
دى مش امى ولا دى بلادى
ولا نيلها بيجرى فى فؤادى
دى بلاد إلى ازيها
وإلى ناهبها بيقعد فيها
يتهنى بخيرها وأراضيها
وبيفنى حاضرها وماضيها
وبيمحى كل معانيها
وإلى حاميها وإلى دمو بيسيل فيها
وإلى كل يوم بيوطى
ويبوس فى ترابها وصحاريها
ليه ظلماه ليه عايش مش حاسس بيها
ارجع تانى وأقولها ايه
ربى احميها من ظلم ناسها واهاليها
من ظالم يتحكم فيها
دى مش امى ولا دى بلادى
ولا نيلها بيجرى فى فؤادى
