غردى يا طيور واعزفى فى الكون

نغمه حنان نغمه رضا

نغمه تكون مقسومه

***********

فى ناس كتير متجرحين ..

عايزين يعيشو فرحانين

الفرحه خاصمتهم

والضحكه مكتومه

**********

وناس كمان رغم الأسي

ولا حظ ليهم يوم رسي

وعندهم ضحكه

ع الخد مرسومه

**********

وناس فى الحب مياله

حالتهم فى العذاب حاله

الدنيا ظلماهم

تملى اسيه معاهم

وف  الحب مصدومه

***********

وياما ناس نبعهم صافى

وحبهم دافى

الحلم جواهم

دا حقيقه محسومه

**********

وفى ناس الحب قدمهم

وكأن الحب خدمهم

وعينهم عنه معصومه

**********

وناس الحب كان بيتهم

والفرحه كل دنيتهم

النبضه فى قلوبهم

م الحزن محكومه

*********

وناس فايقه هنا ورايقه

وكمان م الحب متضايقه

والله مشاعرهم

فى القلب مردومه

***********

وناس عايشه فيها وخلاص

ومعندهاش اخلاص

عايشين يعدوها

بثوانى معدومه

********

وفى ناس بتتكلم

من غير ما بتسلم

والكلمه جواهم

دى تبقى مسمومه

***********

وأأأأه من ناس

مش حاسه بناس

عايشه هنا معاهم

والدنيا صدماهم

دى بجد مظلومه

**************