الانوثه مش مجرد حبه احمر ع الشفايف
الانوثه مش بأنك تهوسى عقل اللى شايف
الانوثه مش كمان تعملى خدودك قطايف
الانوثه نعمه غاليه ربنا اللى اداها ليكى
وبأديكى تحفظيها او تضيع من بين ايديكى
كل شئ فى الدنيا لما بيداروه بيزيد جمال
والعفاف للبنت يغلب اى شكل واى مال
هو احسن من عيونهم تأخذى نظره احترام
ولا تاخدى سهم جارح اسمه نظرات الحرام
الورود بتكون جميله طول ما لسه الشوك ماليها
بس لو يوم شوكها سابها الف ايد تتمد ليها
هو احسن ترضى ربك ولا ترضى الناس  بحالها
هو ايه للبنت يشفع شكلها ولا عملها
دا الجمال فى الجسم زايل انتى شوفتيه دام لمين
والجمال فى الروح بيفضل مهما بتعدى السنين
سيره البنت العفيه هو احسن شئ يدوم
حبرها مكتوب بدينها مش بمكياج او هدوم
انسى مكياجك وسيبى نور الاهك يملى وشك
بدلى مرايتك بقلبك مستحيل قلبك يغشك
هاتكونى اجمل الف مره لو جمالك جوه قلبك
مش مهم الخلق ترضى المهم ترضى ربك
هو ايه فى الكون دا يغلب لو اله الكون دا حبك
بدلى مرايتك بقلبك مستحيل قلبك يغشك