( مع السلامه )
بعد العمر ما مر بيا جابونى
فوق سرير وف اوضه وحدى سابونى
والدموع عماله تنزل من عيونى
والى جابنى يا ناس صغارى
طلعونى من قلب دارى
طلعونى والمرار كان ف انتظارى
راح منى صوتى من صراخى ومن اهاتى
سيبونى اكمل الى باقى من حياتى
سيبونى دى الدمعه دى ارحم من سكاتى
شفتونى ببكى والدموع
عماله تجرى من عيونى ولا همكم
بعتونى و انا طول عمرى شايل همكم
بعتونى وانا كنت بكبر جوه قلبى حبكم
بعد العمر ما مر بيا ***
ايه قصدكم ...... ايه قصدكم
خلاص بقيت هم وعذاب على قلبكم
خدو الى باقى من حياتى بس سيبو ذكرى حلوه
كانت فى يوم عشتها هنا جنبكم
مع السلامه مع السلامه مع السلامه