من ديوان ( أزجال ابن الحلال )
( كيتـــي هانم )
للشاعر والروائي (محمود الزفتاوي)
بشويش علىّ يا نور عنيه أصل الماهية ما تستحملش
يا ست كيتي حرام عليكي خربتي بيتي بقى طظ فش
ساعة ما با قبض وشِك بيصهد أستنى يبرد والا يتش
مطلوب إيجار وسوق خضار على كام غيار فوق لسترتش
وجزمة سودة مع البرمودة بيقولو موضة هتداري كرش
وكريم أساس ل وش نحاس ماهوش حساس ولحمه كاوتش
وروج وكُحل واهو كله وحل على جسم فحل ما يستاهلش
تقوم م النوم على المعلوم وآه لو يوم نُقص ما كحملش
أسمع نشيد ما هوش حميد لو في الحديد يمكن يكش
تعند معا يا ويكون غدايا عيش السرايا وغموسه مش
طب أجيب منين وإسمي الحزين في خانة المندين ما بيتمسحش
يا ما نفسي مره آجي من بره جا يبلك ضُرة ما بتتفاهمش
وا لاقيكي ما شية ع الأرض حا فية وتجيكي كا فية وتكون بقرش
