اتعلم
سارح ياقلبى بعينك
ماشى وسط الغيطان
ماسك قلمك بأيدك
وفأسك والغلقان
الزرعة قالتلك بريدك
اسقينى حبة حنان
مستنياك وسيدك
كريم.حليم.منان
افتح قنايتك بأيدك
واروينى .انا عطشان
بقلمك وبخط ايدك
سجل هنا الالحان
علمك ربنا يزيدك
اتعلم كمان وكمان
بتمنى ياابنى وبريدك
تكون صحيح انسان
علوم الدنيا عبيدك
وانت عليها سلطان
علمك ده حيفيدك
تخلص من الحرمان
تنشد بعلمك نشيدك
بالسنة والقراان
دالنخل بلحه وجريدك
شبابيكك والبيبان
الشجر فحمه يقيدك
ويدفى لو بردان
والقمح يومه د.عيدك
ودى اكلة الغلبان
ياربى داحنا عبيدك
عملنا علمك كمان
الرزق لما يزيدك
الشكر للحنان
