حيرانة
ملقتش حضن يساعنى
مديت ايدى لكتير
واحد باعنى وخدعنى
وواحد خاين كبير
ملقتش فيهم حنان
ملقتش فى ده .وده
وده مش غدر الزمان
انا مش متأكدة
ملقتش الراحة فيهم
محستش بأمان
عمرى ماغدرت بيهم
اصل الغدار جبان
مش لاقى حضنى انا
ولا هو كمان لاقينى
مش مستنى الهنا
بس عشان دمع عينى
مبقاش عندى امال
ولا نارى بتنطفى
حلمى بقا فى الخيال
ياعيونى ماتوصفى
انسى الاحضان ونارها
انسى حتتعبى
يمكن لو كان قدرها
كنتى حتتعذبى
عيشى معايا الحقيقة
عيشيها بمرها
ياما فى قلوب بريئة
وداقت طعمها
الغدر مش فى الزمان
لأ فى قلوب البشر
الناس ملهاش امان
وبيتهموا القدر
حرمانى ياريته ذكرى
وياريتها تتنسى
انسى الاحلام وبكرة
ذى ماغيرك نسى
ط.ع