يابلدي علشاني قومي
اقفي علي رجليكي
نفسي افرح معاكي
العب وأشد فيكي
في الصيف اكون انا نسمه
وفي الشتا لحاف يغطيكي
في كل شبر لينا ذكري
في كل حلم في كل فكره
دايما بلائيكي
اعجب حكاية في الوجود
حبي ليكي
انا ماسك ربابه و عود
ونتي رافعه ايديكي
اغني انا يا ام الوجود
وانتي تبرقيلي عنيكي
اخاف واجري في طريق مسدود
وارجع اشتكي ليكي
هو ده طبعك يا سمره
ولا انا مدلوق عليكي
يابلدي علشاني قومي
اقفي علي رجليكي
حبي ليكي 100 مزاوله
عمري ما ازهق من المحاوله
اللي اشوف فيها بلادي
ارض حلوه ورايه عاليه
نفسي يعرف الاعادي
حبي ليكي
نفسي تسلم الايادي
بين ايديكي
بس طلي عليا طله
حسي بس بالمحاوله
تعرفي يا مبرقالي
حبي ليكي أمن دوله
#عمرواللمعي
