ولا فى الاحلام
شفت فى منامى حورية جايالى من الجنة
قلتلها خير طمنينى ............قالتلى استنى
طريق حياتك فرشتهولك... بالورد والحنة
قلتلها لو ده حصل......... ماكنش ده حالنا.
طريق حياتى كله دموع
لا عارف امشى ولا فيه رجوع
اى فرح فيها ممنوع
لا له قمر ولا حتى شموع
يادنيا سبينى فى حالى
لاشايلة همى ولا سؤالى
مالى مكنتش باقى عليه
ولا عدش فى حاجة بقيالى
دموع دموع ياللا خديها
ونارى مش قادر اطفيها
كفاية جوايا الاحزان
واللى فيها مكفيها
ليه يازمن ليه تنسانى
نسيت ليه فرحك عنوانى
دانا بحبك مش باديك
بتقول للحزن ارجع تانى
ياربى انجدنى ياربى
قدرى ونصيبى ماهوش ذنبى
الحزن طال من قلبك ليه
لا بقيت ادارى ولا بخبى
ط.ع
