..........أقسمت ألا أنحنى ........
أقسمت ألا أنحنى
ولا من كرامتى تنزلى
لو انت كل روحى فيكى
روحى كمان واطمنى
اقسمت الا انحنى
انا كنت راسم صورة ليكى
بدلتها بسواد عنيكى
عتمتى لونها اطمنى
اقسمت الا انحنى
انا كنت حبيتك بجد
حب ما حد حبه لحد
حب فاق كل حد
غيرتى حبى ارحلى
اقسمت الا انحنى
اقسمت انى ما اعود اليكى
وانسى كمان لمسة اديكى
انا كنت فاكرك موئلى
اقسمت الا انحنى
انا كنت فاكرك بسمتى
وضحكه حلوه على شفتى
طلعتى خنجر سمنى
وباديكى طعنتنى
اقسمت الا انحنى
يلا خلاص خلص الكلام
معدشى ينفع السلام
الغدر هز موطنى
اقسمت الا انحنى
الله يسامح كل خاين
الغدر منه مكنشى باين
جرح شعورى وهدنى
اقسمت الا انحنى
شعر : مجاهد المصرى
