جريدة حروف الشجن الابداعيه

منبر ادبى لكل الشعراء العرب

authentication required


أنا إنساااااااان
‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘‘
أنا ع الوعد مستنّى 
تردّى ف يوم وتحنّى
يا شاغلة القلب والنّنى
أنا عاشق
وشوق العشق صبّرنى
على وعد إنى يوم أحظى
بنجمايه تطمّنّى
عانيت م اليأس والغربه 
وغدر الدنيا والصُحبه
وقلت يجوز فى مشوارى
أقابل قلب متعافى 
يكون صادق أمين وافى
يحاجى ع اللى فاض منّى
ويشعل ضيّه ف طريقى
ويبقى حبيبى وصديقى 
لكن مشوارى لسّه طويل
مفيش فيه ضى للقناديل
وانا وحدى 
بقول شِعرى
حروف تنبض ف وجدانى
بكل حرارة المشتاق
بقول يا دنيا نسيانى ؟
نزفت الحزن من قلبى 
وشريانى 
جهرت بصوتى يا دنيا :
أنا إنسان 
لا زال عايش ومش فانى
حياتى ليه معشّش فيها أحزانى ؟
أنا بحلم بكل جميل 
جوّايا حب وتفانى 
أمد ايدى بوردة وفل
أحب الفرح ياخده الكل
ما شلتش م الخنّى غِل
وأقول برضو مسيرُه يفوق
ويفهم إنها مش سوق
دى دنيا ماشيه بالقُدره
لا هى ناسيه ولا فاكره
ده فيها كل شئ مقسوم
لكن يا ربى لو أقدر 
ألاقى الورد والسكر 
ألاقى الراحه متأخّر 
م انا ف الدنيا آخر السير
ورحلة عمرى فيها كتير
حلمت إنى أكون كالطير 
لكن فى حظ متقدّر 
وأنا إنسان 
مش أكتر ،،،،،،
بقلم / إبراهيم فهمى المحامى 
16/12/2015

elwan2020

جريدة حروف الشجن الابداعيه منبر لكل المبدعين رئيس مجلس الاداره الشاعر محمد سلامه علوان نائب رئيس مجلس الاداره شاديه على

  • Currently 0/5 Stars.
  • 1 2 3 4 5
0 تصويتات / 34 مشاهدة
نشرت فى 22 ديسمبر 2015 بواسطة elwan2020

جريدة حروف الشجن الابداعيه

elwan2020
»

ابحث

تسجيل الدخول

عدد زيارات الموقع

48,333