<مصر فى عصر المحن >
مصر فى عصر المحن
والكل فيها بيمتحن
فيها ال بيذاكر دروسه
وال بيلعب بفلوسه
وال عاملين فيها ساسه
وال واخدنها طناشه
وال زود فى الغلاسه
علشان يخش يمتحن
مصر فى عصر المحن
ال عامل فيها بيه
الكل بيبوسوا اديه
وال عامل ثورجى
ونسى انه مكوجى
وال عامل دبلوماسى
وهو لاصله ناسى
وال عامل فيها قاضى
عمال يلك ع الفاضى
يفتى فى كل الامور
ونزل العالى فى الواطى
وال عامل فيها ريس
وعامل فطن وكيس
وسجله كله متليس
وال عامل فيها ناصح
وكلامه ملوش ملامح
وال عامل فيلسوف
وال بيدق الدفوف
وال بيضرب قنابل
ونسى انه خروف
وال عاملى معلم
وهو عمره ما تعلم
وفيها طبعا الغلابه
ال اكلوهم ديابه
وطحنتهم السنين
بص شوف انت مين
من كل السابقين
قول وحدد انت مين ؟؟؟؟؟؟؟؟؟
اشعار : مجاهد المصرى
