بيقولولي أحب وأعيش !
وفي الحياه ماتزعليش !
دا اليوم اللي بيعدي 
بيروح مابيجيش !
لما انتي يادنيا .. حلوه كدا !
ليه ليا مابتضحكيش ؟؟
بلاش كلام بقا كفايه 
سيبيني زي ما انا عايزه أعيش !
حتي الصحاب والحبايب 
القريب واللي غايب 
واللي باعني وفاكرني بعته !
واللي دوبت فيه ودايب !
لما إشتكيت لك يادنيا ماسمعتنيش ؟!
تسمحيلي يادنيا أقولك 
إنك بجد ماتستهليش !
لما أحب بحب وأخلص وانتي برده 
بتاخدي مني مابتدينيش !
تسمحيلي بس يادنيا أبكي ؟
ولما حتي أصعب عليكي ماتطبطبيش !
اااااه يادنيا بشويش عليا وعلي ألمي ماتضغطيش !
هو انا ليه بصبر عليكي ؟
وانتي عليا مابتصبريش ؟؟!
هو انا ليه بهون عليكي وانتي عليا مابتهونيش ؟؟!

كلمات / 
ولاء الدســـوقـــي