كره مرفوعه 

من حلاوتها طلعتلها ف الصوره 
وانسى سنى وانسى نفسى 
وانسى انها مقطوعه 
واطير أخدها م الهوا 
وبدل ما ننزل سوا 
تطير هى 
وانا يرمينى الهوا 
من حبى ليها فضلت رقبتى مرفوعه 
عينيه ع الصوره 
أشوفها ف السما 
وانا ع الارض بأديا مكسوره 
ناهيك عن الخساير 
وبعدى عن الصوره 
وبدل ما العب 
يطردنى الملعب 
وآجى على نفسى 
واخسر البطوله 
واتحمل كسرى 
ويئلمنى الدوا 
والوم ف نفسى 
ولا لوم ع الهوا 
كان ماله بس اللعب ع الارض 
لما أنت مش اد الطير ف الهوا !