كل واحد جواه الف حكايه
شلة.... اصحاب قاعدين عل القهوة والصحبه تحلي قاعدين فاضين عل طول
مش. هقول كانوا بيتكلموا في ايه قبل كده عالم فاضيه كلامها مش معقول
لما....... سمعت كلامهم كنت مزهول واحد زعلان من مراته التاني مشلول
من .......اللي حصل عشان ابنه اللي مات مقتول والتالت قاعد كده مهبول
من.......... خاله باع ارض امه بتوكيل مبلول وطبعا ضاع حقه وبقي مدهول
بعد ..شويه قعد جنبهم بتاع الفول قال كلام خلني اقول باين عليه مسطول
حكي .....الراجل عن مكسبه من عربية الفول وفلوس جايله والشرح يطول
طال... الوقت بس كان عندي فضول اسمع باقي الحكايه اشوف ليها حلول
ليلة...... كانت طويله يابهلول بس كانت قصة وحكايه وكلام مالوش مدلول
سمعت...... من اللي زعلان من مراته بيقول اتجوزنا وقلنا كلام معسول
في..... الاخر طلقته عشان المحمول روحت لقيت مفيش اي اكل معمول
اتكلم... حسين اللي ابنه مقتول ده كان شاب صغير اتخرج وبقي مسؤل
خد... رشوة ومن الشغل بقي مفصول تعب وراح مستشفي وخد محلول
اما .....عمنا بتاع الفول فضل يحكي ازي بيكسب هو فاضي مش مشغول
قلنا........ نكمل بكره وكفايه الشويه دول رد عمي حسين وقال انت فلول
قلت ........لاء ياعم حسين انا زيك مشلول ولا اقول زي ابنك بقيت مقتول
كلنا بناكل من ارض واحده من نفس المحصول مية نيلنا بتروي كل الحقول
الخير في بلدنا نفسي كف الميزان يبقي معدول الكل يعرف حقه ياشملول
واي .واحد مسؤل يخلي في وشه دم يبطل شغل المنظره وتقلب الفصول
يصون ..عيشها وملحها ولا بيوم يبقي خجول واسمه يتذكر بالخير عل طول
الشاعر مدحت فضل
