جوّه منى فى حاجات
؛؛؛؛؛؛؛؛؛؛؛؛؛؛؛؛؛؛؛؛؛؛؛؛؛

فى حاجات جوّه منى
من سنين مقفول عليها
خايف مره غصب عنى
وف عينيكِ ألتْقيها
قلبى حَن من زمان
وانتظر منك حنان
خفت أعلن عن مشاعرى
أنصدم وأشوف هوان
قلت خللى الحب سرّى 
جوّه منى احجى عليه
مستحيل الفرح ييجى لحد قلبى
وارجع أتلفّت عليه
ليه يا ناس طعم الأمان
جوّه منى مش لاقيه
ليه حياتى مش حياتى
والهنا مخاصمنى ليه
كنت فرحه ليّا غاليه
إلتقتها ف الطريقْ
واتبنت بيكِ الأمانى
والفؤاد أصبح طليق
بيكِ كل الدنيا حلوه
بيكِ أصبح ليّا غنوه
ليل نهار أعزف حروفها
هيه إسمك يا ..........
حبيبتى ،،،،
بقلم / إبراهيم فهمى المحامى 
3/12/2015