غيبوبة
كنت قاعدة فى الجنينة فى ليلة حر
تحت القمر
ورقة نزلت من فوقينا طلعت ورقة
من الشجر
شفت ايه مكتوب عليها قلت حكمك
ياقدر
مكتوب عليها ال فراق كانها بسن
الحجر
ضحك حبيبى وقال ياريتها حدفت
علينا من الثمر
الكلمة دى شغلتلى بالى قلت ده اثر
السهر
ولا كلمة مقصودالى ولا دى سكة
سفر
روحت وانا مش عارفة حالى حسه
قلبى وانكسر
حلمت وانا نايمة الليلة دى ان انا
فى ساعة سحر
دعيت وقلت ياريت ماكانت ولا
شعورى كان حضر
جاتلى حورية فى المنام وكأنها
ماشية فى مطر
قالتلى ليه شغلة فى بالك وهو
حتى ولا افتكر
على العموم هو الفراق حتلاقيه
فى يوم هجر
حينشغل عنك يوماتى وييجى
فى الليل يعتذر
صحيت لقيت حبيبى جنبى ودمعى
من عينى انهمر
خدنى حضنه وقال حبيبتى الف
سلامة على القمر
عرفت انى كنت بحلم وكنت مش
واعية لبشر
