((((انت بكام))))
انت بكام النهارده
بالدولار ولاالجنيه ولاالدينار
تمنك عِلي ولا نزل في بير ملهوش قرار
آه يازمن
تتقاس فيه البشر بالين وبالدينار
مش مهم
التزامك مش مهم
احترامك مش مهم
انت نافع مش مهم
انت اصلا مش مهم
المهم فيه اراضي ,فيه مصاري
اسهمك فالبورصه عليت ولاجابت عاليها واطيها
فيه فلوس
نضربلك تعظيم سلام وتبقي عالي فالمقام
فيه فلوس
تتباس ايديك وتعلي مكانتك في النفوس
فيه فلوس
تبقي سيدنا يابيه ونغير علشانك ضميرنا
ونقول فيك اللي ماشفناهوش
يعني متدوشناش يابيه
انت صفر عالشمال من غير فلوس
هتقول اخلاقي عاليه
تعليمي عالي
بيني وبين ربي عمار
هنقولك العمله دي خلصت من زمان
ومبتتصرفش وعدي عليها مليون طابور
ومالآخر انت بكام النهارده
