.بلدى
ااديك شايف بعينك
حد الله بينى وبينك
مش حكدب او حخونك
اهى ذى ماوصفتها
بلدى وملامحها فيها
واللى يعوزها يلاقيها
المجد فيها وماليها
من يوم ماعرفتها
كفاح.تاريخ.اثار
مبتعرفش انهيار
حرة وصاحبة قرار
عمرى ماغصبتها
ياما وقعت فى ازمة
من ناس ملهمش لزمة
منصورة وتملى عازمة
مشاكلها تحلها
لو عشت عمرك تشوف
سنين لو كت الوف
قوللى ومن غير كسوف
بقا شفت زيها
تتفرج على الحضارة
اهرام.اثار.فنارة
بادى ومن غير امارة
بالدنيا كلها
