أنات قلم
******
حبت مشاعر
إتلضمت كوكتيل
يعلا صراخها
في قلب الليل
صحى لهيب
الشجن و الويل
و أبقى مش فاهم
و خايف
***
حبت مشاعر
غَزِتْ ندم
أنات قلم
بنزيف ألم
بسمة عدم
وعيون بتضحك عـ اللي عمل
مش عارف
***
حبت مشاعر
تغرقنا فـ بحر
مالوش آخر
مرة حزين
مرة كمين
من ضحكة تترسم
فوق شفايف
***
حبت مشاعر
بتتحدي السنين
ترسم أنين
ويا الحنين
فوق الجبين
إذا عِشق حلم لا عمره حس
و لا حتي شايف
***
حبت مشاعر
بتتولد جوانا
نزرع هوانا
نحصد خيانة
يِيطمسعَلّمْ معانا
نعيش هايبين من قسوة
حنين مخالف
***
حبت مشاعر
تطمعنا فـ حياة
تملي نطوف
يملانا خوف
لا بنتعظ و لا بنشوف
إلا مصير كله ندم
مش هايف
***
حبت مشاعر
لدُنيا بمليون وش
وشوش فـ الوش
عقول بتوش
قلوب بتغش
فَرَش الصدى عـ الفرح
فوق الشفايف
***
حبت مشاعر
جت على بالي
راكب مُهره
فارد ضهره
حافر قبره
مادد للعمر كف
يطمس خيال طايف
***
حبت مشاعر
مالهاش رجوع
بنفس مقطوع
و صوت مرفوع
على مادنة أسى و خضوع .. بتضحك
و للجروح ضايف
***
حبت مشاعر
لمستقبل حسب الظروف
و ولاد رغم العلام
لسه بتاااخد المصروف
و أناتهم لأحلامهم
قلم و حروف
صرخ القلم للألم
كونوا عفايف
***
حبت مشاعر
ربيع منهوب
صياح و حروب
شهيد فـ دروب
و نار فـ قلوب
و تار ينده
على صاحبه
و مش خايف
سعاد الزامك
