انا وانتي روح واحدة
مقسومة بين جسدين 
يادنيتي يا معاندة 
ومكتوبة على الجبين
يا ام العيون شاردة
م تقولي رايحة لفين 
أصل انتي أجمل وردة
موجودة ف البساتين

مهما تكوني ..بعيد
لازم في يوم جايلك
تلاقيني بيكي سعيد 
جوة العيون شايلك
انا عمري والله جديد 
ولاقبلك ولا بعدك
انا قلبي بيكي شديد 
والقلب مشتاقلك

راح أقول أنا موال
وأغني على عودك 
كل الكلام اتقال 
م تجودي بجودك 
وكيدي يلا العزال 
وخديني فى وجودك
في هواكي الجمال
والسحر ف عيونك
بعدك عني محال
وجنوني ف جفونك

ابراهيم بدر عبدالله