خايفه احبك ..
ايوه خايفه احبك ..
بعترف لك مرعوبه منك ...
كل ما اقرب تبعدني روحي ..
تقولي حاسبي ..طب خللي بالك..
فيك حاجه غريبه.شداني ليك غير اي حد..
بشوف واحس باعجاب عيون كتير ..
لكن لعندك انا بسلم ..
انا بلاقي نفسي عندك بروح ...
واشمعني انت ؟؟؟!!!!!
مفيش فيك حاجه زياده ..ولا حتي شيء يجنن...
لكنك في حد ذاتك مميز ...
هموت واقرب ..
ونفسي اجرب ..
اشوف ايه بس اللي فيك يحير ...
لكني بخاف وببعد كتير اد ما بقدر...
قاريلي فكري.. فاهم ايه في عيني ..مش عارفه اخبي.. ولا حتي اداري ..
وده مدايقني ..
لانك كاشفني ..
بمثل عليك اني ولا حتي هاممني ..
وانا عامله زي تلجايه في كوبايه في عز الشمس مركونه...
مهو لازم اقرر يا ابعد يا اقرب ..
انا عمري ما خفت وعادي بجرب ..
اشمعني انت معاك خايفه اقرب ...
طب شوف لي حل ..
في حالتك يا عم ..
يا تطمنلي روحي يا تروح وترحل ..