قصتي انا

قوق مواج عاتيه
ترسي شجوني وتنوح
بكلام مرة يقتل... 
مرة يرد الروح
انا خليت الغرام يسكن دروبي
ماشي بدراع ...بغروري
سهيت فعيون ترميني برصاص العشق
وسهام الكلمة ...تخليني نسرح
في ايامي ..وسواد ليالي
تهجر فيها القمرة ضحكي...
وتبكي النجوم..ظلام قصبتي
ياك انا حليت عينيا فالواد
وزهيت فوق حجاره و وشجاره
فاض وداني مع حملته
نسى ونسي وسهري معاه
جحد فغرامه وفحبابه
ومن عليهم قصايده وعشقه
كيفاش اولد الكرم تمن الروح 
على قلوب انت ساكنها وتدفيها
واش الشجر يطالب الزهر من اغصانه
ولا الطير يرجع من الغيمة صداحه
جرحي انا ذات وروح
نداوي جرح الجسد والروح ماتبرا
انا نعاود نزفي لحفار قبري
ندوب فيه وجرحي يروي ترابي
ياك انا عشقت فيك النخوة والكلمة
كيفاش الكلمة تطعن قلبها...؟؟؟
لوكان فرحك قرحي وعذابي
انا نلبس الكحل .نجلس نرثي
ونتسانى جنازة قلبي ...
لكن الروح عشقاتك 
ونسات الجبل والصخور
ولفات الفيافي وصهد العذاب
نتبعها تنكرني وبالجمر ترميني
ودموعي تطفي نيران..هي تشعلها

شاديه علي 27/11/2015