صباحك يا بلدي معطر
والرزق ع الخلاق
عاشق لفيت دروبك
برشرش الاشواق
يخدني الحنين ليكي
امشي ف حواري بولاق
درويش من السيده
ومقامي ف الوراق
محرابي كان عشقك
يا قبلة العشاق
ف صلاتي بقول وردك
تسبيحي انا مشتاق
زيدي كمان القسوه
وانا ازيد الاشتياق
وغربيني ف عشقك
مشيني ع الاشواك
لو حتى قلبك طاوعك
و رمتيني ف الهلاك
هفضل اقول بحبك
هفضل انا مشتاق
و لو حسيت في حضنك
الغربه والفراق
يفضل ياحبيبتي حبك
لجراحي دوا وترياق
حني عليا يا سمره
وإرحمي المشتاق
عاشقك والعشق غربه
وجحيم من الاشواق
ـًـًـًـًـًـًـًـًـًـًـًـًـًـًـًــــًــــ
بـقــــلــمــي ناصــــــرالفــــيـــــشاوي
************************
