..لحبك أحوال 
يا حبيبي لحبك أحوال 
بيحير قلبى الميال
ملوش وتيرة ولا منوال
مرة بلاقية هدار
ياخد قلبى مع التيار
ويملكنى حتى من نفسى
وأما ببقى نمطى وديع
قلبى م الفتور بيضيع 
وأفضل ف وحدتى ويأسى
عايزة حب مستوى رفيع
يخلينى ف أسعد حال 
يا حبيبي لحبك أحوال 
بيحير قلبى الميال 
......................
وأما خدنى بحر الشوق 
وهواك كان موجة عالى 
ما لقيت لنجاتى طوق 
إلا الأمل فى وصالك يا غالي 
بتمنى حبك كتير فياض
يغمر قلبى ف كل معاد
فى كل زكرى الاقيك قبالى
وابعتلك مع الشوق مرسال 
عايزه حب مستوى رفيع 
يخليني فى أسعد حال 
يا حبيبي لحبك أحوال 
بيحير قلبى الميال 
.....................
جدد حبك ولهيبك 
بالأشواق والسهر
أوعى الملل مرة يصييبك 
خلى حياتنا أنس وسمر
أنا خيالك وأنت نديمى 
بتسمع غنايا وترنيمى 
لم نحكى ويا القمر 
ويبقى حبك ملهش مثال
عايزة حب مستوى رفيع 
يخليني فى أسعد حال 
يا حبيبي لحبك أحوال 
بيحير قلبى الميال

مع تحياتى
محمد نايل
البحيرة /مصر