( محتاج بطانية )
أنا اللي من بين البشر
بموت
من برد الشتا وليل المطر
بموت
محتاج بطانية أتغطي بيها
الشتا قوية دايما لياليها
آه آه آه
بموت من نوم الأرض
بموت من كتر البرد
نفسي أعرف ليه
الدفا طاردني طرد
بموت من صوت الريح
بموت بجد صحيح
زي المياه
لما بتنسي الورد
جسمي من البرد أتصفي
نفسي أحس بطعم الدفا
اللي منه دايما محروم
أنا فقير علي قد حالي
متحملش برد الليالي
كفاية بعد النجوم
آه آه آه
بصرخ يا مين يسمعلي صوت
بموت آه بموت آه بموت
كلمات : محمد فتحي
