وأيه فايدة كلامي
لو ما بتحسيش
وليه هفضل أنادي
بأعلي أعلي الصوت
وسامعاني وما بترديش
ما حبتينيش؟؟؟
وأيه يعني...قوليلي
بس لا أقولك
ياريتك برضو ما تقوليليش
عشان يمكن برغم صلابتي
حالا أدوب
ويمكن بعد ما تقولي
دماغي يبقي بالمقلوب
انا عارف انك أكبر ذنب
في ذنوبي
حاولت كتير أعود وأتوب
ومفضلش إلا أشعاري
ودا مجرد كلام مكتوب
ومش مكتوب
لكن أرجع واقول برضو
وأيه فايدة كلامي
لو ما بتحسيش...#ناصرالريس
