ياكداب
........
ياكداب ، خاف من ربك
دا ربك ، ياكداب
عالم وحده ، باللى ف قلبك
وبكدبك ، ياكداب
اصحى وفوق ، ياقليل الذوق
دا ربك فوق
وكمان ملايكه بكشف حساب
ياكداب
بتبدر بين الناس أسافين
كدب ف كدب ، والناس شاهدين
وتحلف كام 1000 يمين
والنيه طلسم ، سوده هباب
ياكداب
رد وقول ياغدار
انت مش فاهم ، ولا حمار
أنك رايح لقاع النار
وح تدوق فيها أشد عذاب
ياكداب
أبدى التوبه ، من دى النوبه
وبلاش تيقى حليف لشيطان
دى مش سبوبه ، دى ألعوبه
حتسرق منك أى ايمان
صفى النيه ، وخد بالأسباب
ياكداب
........................
عبدالحميد المرسى
