كتر الكلام
والسؤال هو السؤال
هو أنت أيه عندي
لساكى حبيبتي
ولا حبك كان حكاية
زى حاجات كتير
دايره وبتعدي
لساني طالب قربك
بس أنت قلابه
كل ما اقرب القاكى بتصدى
بتعذبينى بحبك
وتدوقينى المر من شهدي
بتسمعينى كلام بايخ
ولا عمرى اشتكيت
وتحتاجينى
بأشاره تلاقينى
فى سرعة برق واقف على بابك
بمد بالرضا يدى
تاخدى ال عايزاه منى وترمينى
ولما تيجى تبعدي
بأجري عليكى
ابكيكى ليكى
ودموعي تقولك
سمحينى مكنش قصدي
ويادوب نروق
هما يومين وترجعي
فارده قلوعك
اساور سجونك متعلقه
تدبح وريد الدم
من زندى
قالولك دى خارج ع النظام
وانت صدقتى
بدل ما تبنى معايه
جوايه بتهدى
اصبر نفسى واقول
هتعود السما تصفا
وبضحكتك
تنزاح كل الهموم
وأبات أقوم
ألقى سماكي ملبده
برد وغيوم
والقانى مش ملكي
مطر العذاب والويل
بتزيدي ما تهدى
لما خلاص مليت
يكفاكى هجر وضنى
سوسك بينخر ضلوعي
ابنك ودايق الذل
وبدل ما تاخدى بيدى
دايره بتطفى شموعي
متصدقيش انى عدوك
نصيحه اقولهالك
لمي إل باقي يا غالية
حافظي على رجالك
دول عزوتك
اياكى فاكره الشده راحت
دى لسه جيالك
جمعي ودفي في حضنك
يلاش يكون في جوعهم
الموت مرسالك
بقلم / الطيب عوض احمد
17/11/2015