لو قالولي عندك عدالة 
راح أقول لأ..استحالة 
شايلك فوق كتافي
وامشي انا حافي
يمكن ف يوم تحني 
أصلك اسمك شغلني
قالوا إن فيه عدالة
بس طلعت اشتغاله
عندنا بدل الفقير
يجي عشروميت حالة
اللي يجي يوم يموت
بيقولوله اعمل حوالة
واللي ساكن ف التابوت
واللي بياكل م الزبالة
لو قالولي فيه عدالة 
راح أقول لا استحالة
كتبوا عنها ..الأشعار 
قالوا عنها مية قوالة 
ناس عايشة ف الاوانطة 
غاصوا طبعا ف الضلالة
والقهاوي بتشتكينا 
من الفضا ومن البطالة
أصل انا طبعا يابلدي
أملي راح وعايش عوالة 
بحب سارة واروح لليلى 
حتى مش عاجب هالة
والتأمين دايما بيشكي 
فيه هناك ألف حالة
لو قالولي عندك عدالة
راح أقول لأ...استحالة

ابراهيم بدر عبدالله