عارضه قلبي في المزاد حد يبدا يقول بكام… 
**اول مشتري :
قبل ما ادفع فيه طب مش تقولي ميزته ايه.. عشان احدد قيمته ايه.. 
قلب عاش ما اتعلمش غير يحب ..
**تاني مشتري: 
وايه كمان.. 
عنده ميزه مش في حد.. مهما تبعد عنه شوقه بيك يفضل يحن… 
**تالت مشتري: 
كل ده برضوا عادي ايه كمان عنده يخليني افكر اني اقتنيه ..
ما اتعودش غير علي انه يدي سعاده واهتمام مالهمش حد.. 
وايه كمان ..
عاش حياته كل فكره كل عمره بيفكر يشيل هم خله.. 
ويداويه ويهاديه احلي ساعاته في سنينه ..
ومهما تقسي عليه يفتكرلك كل كلمه حلوه وله ذكري يوم كانت ما بينكم ..قلب عاش يخلص وبس ..
**انا اشتريه ..
** وهتدفع ايه ..
هدفع له حب مخلص من قلب يقدر يصونه ..واهتمام واحترام بطول سنينه ..ووعد حر من نفس حره تشيله في نن عينها وتراعيه وتحن عليه مهما قسيت كل الناس في يوم عليه ..ابقا ضله في عز شمسه ..وابقا سقف يحميه من غدر زمنه..وابقا نور لما ضلمه العمر تسود في يوم عليه ..وابقا امنه جوه حضني يستخبي برمش عيني يستغطي .. 
وانا راضيه خلاص ابيعه ليك ..
****بس وعد منك والايام دي شاهده ..
لا في يوم تتغير عليه ولا تمل من حبك وعطفك ولا تستخسر تهتم بيه ..
وانا اضمنلك لاخر يوم في عمرك ما تندمش في انك اشتريته وسكنته في ايامك وف سنينك ..
&&&&خلص المزاد& &&&&