اللي دار دا كان تحدي
كان دفاع عن عقيدة
و دفاع عن أرضك وارضي
واحنا شربنا المكيدة 
فين صمود جدك وجدي
فين تاريخ أيام مجيدة
ياغيامة الذل هدي
واوعي يوم تبقي شديدة
ولا اقولك.. يلا عدي 
أمة الإسلام بليدة
ولا أقولك يا غيامة
روحي للشر وردي
عندنا مليون عمامة
احنا خلاص خسرنا التحدي
لا عمر ولا أسامة 
ولا شباب هنا للتصدي
احنا فالحين في الدراما
والغنا بقي أساسي عندي
احنا اللي قتلنا الحمامة
والزيتون اللي زرعه جدي
والمطرة بتيجي بالندامة 
والغطى مش مكفي بردي
والكرامة مش كرامة
بس أحلامنا هيا اللي وردي
حتى صيفنا حره ياما
روحى راحت من دا شردي
مش بنعرف غير ملامة
عقلي راح وراح مني رشدي

ابراهيم بدر عبدالله