انا قلبي
انا قلبي قبلك كان صفحه بيضا مفيهاش سطور
اتلونت ومعدش فيها اي نور
والسنين راحت من غير رجوع
من كتر الأسي,من كتر البكي راح الحنين
معدش فيه غير الآنين
ومعدش فيه غير دمعتين رفضوا النزول
كنت الحبيب,كنت القريب وانا في حبك مليش نصيب
كان حبي ليك فوق الحدود
كان حب واضح زي الوجود
ضحيت عشانك بحاجات كتير
سهرتلك ليلي الطول
حبيت عشانك حتي العيوب
بالنسبه ليا كانت ميزات
كل الحاجات كانت فعيني أمنيات
وكنت عارف لكن غرورك مش سامحلك غير بالسكات
والآيام تمر تاخد من حبي وحنيني لما خلص نبع الآهات
لما الألم نسي اللي فات, ونسيت معاه كل الحاجات
ومعدش فيه غير نقطه سودا
لما تعدي بتتنسي زي السحاب لمايمر في ليله ضلمه ويجي النهار
وكله اتنسي لما معدش فيه حصار
وبتيجي سيرتك ومعدش ليك عندي حنين
والدمعتين راحو ا كمان مع السنين
وجاي تسأل بعد ايه؟لما العمر عدي آوام
وتقول كمان اديني فرصه ورجعي كل اللي كان
معدش ينفع ,دا القلب ا سودت صفحته لما قسيت
لما اتماديت
لما نسيت
انه لما حبك دست عليه
وجرحت جرحه اللي انجرح بقساك عليه
خلصت خلاص
راح العذاب
خلص السراب
صفحه خلاص وانطوت بقي من سنين
