............ بياع أنابيب ...................
شغال بعجلة ببيع أنابيب البوتجاز 
أخدها من الخلق فاضية 
ترجع مليانة غاز 
العجلة مبهدلانى 
من كتر الأهتزاز 
أملى حتة عربية 
أن شالله عربية جاز 
لا فيها كام عجلة نايمة 
ولا مكسورة الأزاز 
عربية آخر موديل 
أو حتى أحدث طراز 
ناصية شارع حارتنا 
نقطة الأرتكاز 
شايل فى جيبى يوماتى 
كام حتة من الأحراز 
مفك سنه طويل 
ومفتاحين بوتجاز 
شغلى فى المهنة ديا 
علمنى الأبتزاز
سعر الأنبوبة عندى 
من أصعب الألغاز 
لو مش لاقيلها حل 
هات وصفة من حراز 
شعرة من دقن ديب 
وريشة حمام قزاز 
لو تسكن فى النظافة 
حتلاقى طبيعى غاز 
ليك وللعربية ...... 
ماتيللاه يا أزآز