كنت لسه ياحبيبى ..

بكتبلك جواب

بكتبلك عتاب

بكتبلك واسأل ف روحى

هى الغيره تبقى حب ؟!

ولا عذاب ؟!

ومن بعيد سمعت صوتك

همسك ، سكوتك

وجانى طيفك ياحبيبى

شايل لى صورتك

متزينه بالورود ، بالوعود

بالأمل اللى لما يهجر الحبايب

ويرجع يعود

ياااااه .. ياحبيبى

ع الأمل لما يعود

شوف ازاى بيترسم

الفرح فوق الجبين

شوف ازاى بيتمحى

تعب السنين

شوف ازاى بيدوب الشجن

ويضيع الأنين

مخبيش عليك ..

قلبى سألنى كتير عليك

وبصراحه كده ..

أصلى عشقت هواك ..

ودبت فيك !

........................
عبدالحميد المرسى