الدنيا ذى القوطة 
الدنيا ذى القوطة حمرة ومدورة 
فى الغيط تلاقيها قاعدة ومنورة 
مرة تلاقيها مرة .ومرة مسكرة 
فى منها حتت كبيرة ومنها صغيرة 
ولما بتبقى خضرة تلاقيها مزهرة 
ساعات تلاقيها سلطة أو بصلة محمرة 
بعض ساعات سليمة والباقى مكسرة 
مرة تدور عليها .... ومرة مبعترة 
مجنونة بعض ساعات أسعارها محيرة 
تلاقيها شاربة ميا وساعات متقطرة 
أوقات ماليها لازمة ووأقات متسعرة 
مرة تجيبك أدام وكم مرة لورا ....... 
تيجى تعاملها دوغرى تقوم مهزرة 
خلاص بقيتى قوطة وبقيتى مسخرة