...................... فيها أيه يادنيا ......................
فيها أيه يادنيا لو عشنا مع بعض محترمين 
دبيننا عشرة طويلة تعدى سنين وسنين 
سبحانه فى حكمته 
ندخل ونخرج منك وكلنا عريانين 
لا جايبين معانا حاجة ولاحتى فى المرواح واخدين 
ندخلك ويادوب مقاسنا بين شبر أو شبرين 
نقعد مانقعد فيكى الجدع ماييجى مترين 
فى ناس بتموت من الجوع وغيرهم عطشانين 
وناس تموت من الخوف وناس كتير جامدين 
لا ليكى طبع واحد نمشى عليه ساكتيين 
لا دأنتى بألف حال حنقول مين بس ولا مين 
فيكى اللى يحب الحياة وناس كتير ماسكين 
وناس دماغها فاضية بتجرى ورا الملايين 
فى ناس تحب البنات وغيرهم يموت فى البنين 
والله لا واد بينفع ولا البنات نافعين 
دكل واحد بشيلته وأحنا أول الشايلين 
فيه ناس بتنصب وتسرق وغيرهم شحاتين 
وناس شريفة وعفيفة وناس كتير وحشين 
كلامنا مش حيخلص .خليه على مرتين