كان نفسى تكون حبيبى

كان نفسى تكون نصيبى

وبقلبك الكبير ..

تعشقنى

تضمنى

كان نفسى ..

آه كان نفسى

لكن يا ألف خساره ..

عمرى اللى عيشته ليك

هديته بين أيديك

ضيعته ليه بس قوللى

دوسته ليه برجليك ؟!

معقول دا يجرى منك !

أكيد كان غصب عنك !

مش ح اقول لقلبى

أنى اتخدعت فيك ؟!

مش هصدق عيونى ..

لو جات ف يوم توهمنى

انى اصدق ظنونى

وانت شمسى وضلى

مش ح اصدق أى حاجه

يقولوها ف يوم عليك

مش ح اصدق الا روحى

اللى هيمانه فيك

أصلك كدا بصراحه ..

كلك بتهمنى

وكان نفسى تكون حبيبى

كان نفسى تكون نصيبى

وبقلبك الكبير ..

تعشقنى

تضمنى

............................
عبدالحميد المرسى