كلنا لعبة
شعر : زينب سالم 
الدنيا دي رغم كبرها
ما حد يقدر حتى يمدها
الذنب ذنبك يا إنسان
إنك دايما عاشق ظلها
تعرف الدنيا دي إيه
الدنيا بذمتي ما بأحبها
حاجة جوايا تخليني دايما
عارفة إن خيرها زي شرها
كل ما بتدي باليمين
ترجع تاني تديني ضهرها
أمسك فيها ليه و النبي
ما أنا لا هأغير وقتها
و لا بإيدي أقرب منها
بأحاول و الله أضحك لها
و لما بتعضني بقسوتها
بأضحك و لا أبين وجعي
ماأنا مش لوحدي ضحية لها
تلعب بيينا زي ما ترضى
ماهي مش هترحم بوقتها
دقيقة ورا دقيقة تجري
ده عمري ضاع و هي صبية
لسة في صباها و عزها