اول نظرة 
كلمات/ محروس الحناوي
انا شوفتها مرة وحبيتها
من كتر طعامة شقاوتها
قولتلها ياحلوه تحبيني
قالت مش ممكن تكسفني
من يومها وانا قلبي معلق
ودايب قوي في دباديبها
وواقف لها رايحة وجايه
حارس بيعد في خطوتها
ماهى حلوه وطعمه وسنيورة
يا سلام لو شوفتلها الصورة
بعيونها الحلوه المسحورة
وخدودها الوردة المنثورة
تعرف انها من. المنصورة
وجمالها مخليها امورة
مش لازم اقولك واحلفلك
ما فيش زيها في المعمورة