دنيا الزواق 

::::::::::::::::::
كل اللى ماشى فى البلد
أدوات لزينة ومكياجات
ما بقتش قاصرة على البنات
فى اللبس
ولا الحب 
ولا العيشه 
مكياجات
الكل بياخدها زواق
عيشه وخلاص
عايشاها ناس
بيقولوا والله مبسوطين
دمع ف عينين
عايش سنين
وشعور أنين
ملهوش خلاص
فين المعانى ؟
والقيم ؟
ولا الذمم ؟
ضاعت خلاص
يا قلوب يا مليانه وجع
فين الجدع ؟
اللى يفكرنا برجوله من زمان
اللى يجيب ويّاه 
شهامه وعنفوان
اللى بأيده تتبدر كل الأراضى بذور أمان
سيبونى أحلم بالأمان
سيبونى أحلم بالكيان
ما عدتش عيشه والسلام
ما عدتش حرف نزوّقه 
ونقول تمام
محتاجه حبّة إحترام
محتاجه يبقى النور فى قلبى
أو فى عقلى 
مش ظلام
محتاجه شمس مصحصحه
تيجى ومعاها الإبتسام 
يحسن حرام
والله حرام ،،،،،،،،
بقلم / إبراهيم فهمى المحامى
24/10/2015