(((((ولسه في)))))

ولسه في فالدنيا حلم؟؟
بعد مالأحلام توارت
ولسه في فالدنيا حلم ؟؟
بعد مالآفراح تناست 
ولسه في فالدنيا نور؟؟
بعد مالظلام كساني
ولسه في فالدنيا نور ؟؟
بعد مالهم دعاني
ولسه في فالدنيا شوق؟؟
بعد ماخلص الكلام
بعد ماجف اللسان
تفتكر لسه في فالدنيا حلم؟؟
دانا قمت فجأه لقيت البيت خراب
دانا قمت فجأه لقيت الكون دمار 
هوه انا فحلم ولاحقيقه
وليه يادمع العين مش عايز تجف؟؟
وليه يادمع العين مش عايز تخف؟؟
وليه الدنيا ضاقت وقفلت البيبان
وليه معدش فيه آمان؟؟
وليه الآهل والصحاب معدوش صحاب؟؟
وليه لما الغالي راح اتهز الكيان
ومش هوه انا اللي الآهل والصحاب
كانوا بيدقوا عليها البيبان
ليه لما الغالي راح
خلص السؤال,خلص الحنان
معدش فيه كيان
راحت معاه كل المعاني
راحت معاه كل الآسامي
صدقني مش هوه اللي مات
دانا مت برضه كمان معاه
وآه يافرح السنين انت كمان مت معاه؟؟
معدش فاضل غير ذكريات 
معدش فيه الا الآهات 
وياريت ياذكري بتبلي الجبين
معدش فيه غير الحنين
وجراح لما بتنجرح بيزيد الأنين
ولسه الشوق مالي السنين
بيزيد ويزيد الحنين
ولسه الشوق بيزيد ياغالي مالي الليالي
لما النوم بقي شيء عزيز
ولسه الفكر مش عايز يسيبني
ولسه النار بتزيد لهيب
وباسألك هوه مين فينا اللي عاش؟؟
ولا مين فينا اللي مات؟؟