يكفيك ياقلب الشقى ماجرالك
بعدك تحبه رغم كل القساوه
اللي سريت لشوفته ماسرالك
ولاشافني كن لعيونه غشاوه
ماابغي وصالك بس ابغى اتصالك
قلبي تعلق بك وكلك شقاااوه
انا بدوي لو ماتخونه وفالك
ولا انت جاهل في اصول البداوه
لو تنجرح ماغير قلبي دوالك
ولا القلب لو ينجرح ماتداوه
تشتاقلي واشتاقلك في وصالك
والشوق في قلبي وقلبك تساوه
ليه الجفى مادمت ساكن في بالك
وليت القلب في عشقتك ماتهاوه
لاجيتلك مشتاق اتبع خيالك
اقفيت كنه بيننا في عداوه
ياخي عطيتك ماتمنيت جالك
ولا عاد ينفعنا اطباع الهداوه
ابتركك والله يحقق منالك
واشوف غيرك دام حبك تقاوه