حالتين دواجن بساط بس منتشرين وبيجوا كتير الحاله الاولى : كتير بيجى العيادات ناس بتقول عندنا مشكله ان الفراخ بتاكل البيض وممكن البيض بينزل برشت . الحالات دى طبعا كلنا عارفين انها نقص كالسيوم بس تعالوا نحلل الحاله كويس علشان نقدر نفهم المشكله على الرغم انها سهله وسهله العلاج ان شاء الله . المشكله دى غالبا بتيجى فى التربيه المنزليه لان الاهتمام بالاكل بيكون ضعيف جدا غالبا بياكلوا اى اكل باقى من المطبخ او بياكلوا دش دره وده خطر جدا لانه ممكن يسبب تلييس على المبايض والفراخ ما تبضش خالص وكتير ما ناس بتيجى تقول عندنا فراخ لسه ما بضتش تيجى تسال عن العمر تلاقيه مناسب تيجى تسال على الاكل تلاقيهم بياكل دره وحاجات غريبه . العلاج : 1- العلاج الجزرى للمشكله ان الفراخ تاكل عليقه بياض لان العليقه دى بتختلف عن عليقه التسمين فى ارتفاع نسبه الكالسيوم والفوسفور فيها ودى من الحاجات المهمه للبيضه وعمليه البيض ومحفز ليها لو ده مش متاح ممكن ندى كيس املاح معدنيه مع الاكل العادى طول فتره التربيه وده بيكون كيس للطن وممكن نخلط منه على الاكل باستمرار. 2- علاج المشكله باملاح معدنيه سايله فى ماء الشرب زى الاكمافوس ودى من اشهرهم وانضفهم 5 سم لكل لتر يوميا لمده اسبوع مع الاملاح البودره فى الاكل برده بندى فيتامين ا د3ه فى ماء الشرب لتاثير الفيتامين على زياده امتصاص الكالسيوم فى الجسم . 3- من الحاجات المهمه برده الصدف الى بينضاف على العليقه ده نتايجه قد تكون سحر والسبب فى ده انه مصدر غنى جدا بالكالسيوم وكالسيوم طبيعى وبالتاللى معدل الامتصاص بتاعه بيكون عالى ونتايجه جامده جدا وعن تجربه . 4- مهم جدا اننا نعرف ان حالات نقص الكالسيوم بتحتاج فتره من العلاج لمده اسبوع لان النقص فيه يكون فى الدم فلازم العلاج يعادل مستوى الكالسيوم الاول وبعدين يبدا تظهر نتايجه علشان كده نعالج بالاملاح السايله والصدف علشان الزبون يشوف نتيه سريعه وفى نفس الوقت ندى كالسيوم العلف ولمه طويله علاشن تفادى المشكله فيما بعد . 5- فىبعض الاحيان بنعالج بكل ده وما فيش نتايج بس ده نادر جدا وممكن يكون السبب عاده فى سلوك الدجاج وده ممكن نعالجه باضافه كرات البنج داخل المزرعه تنقر فيها وازاله البيض اول باول . الحاله التانيه : الناس بتيجى بتشتكى من حالات الافتراس فى البط وفى الفراخ ودى اسبابها كتير وهنقولها دلوقت . 1- زياده او نقص البروتين بس غالبا بيكون نقص بروتين يعنى الناس بتاكل الفراخ دش او عيش او رده وسرس وما فيش عليقه وده ممكن تشخيصه بسهوله من صاحب الحاله وده علاجه الاساسى تضبيط العلف بالعليقه واضافه احماض امينيه فى ماء الشرب لمده اسبوع . 2- نقص الاملاح المعدنيه زى كلوريد الصوديوم والفوسفور وده بنعالجه باضافه الاملاح المعدنيه فى ماء الشرب لمده اسبوع وبرده فى العلف . 3- ممكن يكون السبب حراره عاليه جدا وده بنشوفه فىلا مزارع التسمين خصوصا فى مرحله التحضين لان صعب يكون السبب من العليقه لانها فى الغالب بتكون متزنه فلابد من تضبيط الحراره . 4- الكثافه العاليه ووضع الطيور فى مكان ضيق المساحه واحتكاكهم ببعض بيسبب المشكله وده علاجه توفير مساحه مناسبه حسب العدد والعمر وحجم الطيور . 5- زياده الاضاءه ممكن يكون سبب فى الافتراس وده علاجه تخفيف حده الاضاءه وساعاتها . غالبا الحالات الى بتيجى العيادات سببها قله البروتين وده علاجه : 1- تضبيط العليقه بصوصا او بعليقه جاهزه 2- اضافه الاملاح المعدنيه السايله والاحماض الامينيه فى ماء الشرب