أنا عبدالهادى الشعراوى
شاعر مصرى محلاوى
الهياتم يابا عنوانى
أرضى عرضى حبى الغالى
من مواليد خمسة وستسن
مسلم والله ورب الدين
مجوز ومعايا اتنين
بنت وواد وام عيالى
ياما كرهت وياما حبيت
عمرى ما خفت اكتب بيت
وباحساس القلب بنيت
كل بيوت شعرى وازجالى
لما حلمت يكون لى ديوان
قلمى ناديته والالوان
يرسم غنوة الايام
كانت الاسم لديوانى
قامت الثورة الحرة فى مصر
يوم خمسة وعشرين العصر
شفت ساعتها راية النصر
غنى قلمى وقام تانى
فوق اوراقى كتب ديوان
اسمه ياناس قصة ميدان
سمع والله فى كل مكان
فى الساحة بقى عنوانى
امسيات ويا ندوات
كنت بسافر ليها وبات
احكى القصة بالابيات
ويا ابن بطوش وفضالى
انا فلاح من طمى النيل
اسمى ولونى والله دليل
كل حروف الشعر تميل
لما الفكرة تحلالى
فى الساحة انا حظى قليل
والاعلام ياخلق منيل
ع الاقاليم عمرة مابيميل
امته هنطلع فى العالى
............................................
الشاعر عبدالهادى الشعراوى
