جارى التحميل
استخدم زر ESC أو رجوع للعودة
ليه وليه ياقمر
ليه ياقمر
شاغل عيونا بالسهر
طول الليالى قلقانين
انت الوحيد ياحبنا
شاغل عيونا وقلبنا
ليه ياقمر
عشانك انت ياقمر ...... بسهر معاك
وعينى فوق على السما .. تطلب رضاك
وليه بتبعد عننا
دا القسوة ماهى طبعنا
ليه ياقمر
انت لعمرى ضحكته
انت اللى فى الدنيا خطوته
انت السكن انت الوطن
قلبى فى حضنك انفطم
انت الامان انت الشجن
ليه ياقمر
احلفلك برمش عنيك ياغالى
وبقلب عاشق للامانى
ياما السهر خد منى حالى
قلبى انحسر وانا بنتظر
فرحة تجينى بقلب خالى
ليه ياقمر
احلف لك ياقمر الليل
راح اغنى فيك المواويل
طول م النور بيغطى الدنيا
طول م الارض تدور وتميل
بس تعالى
وماتتعالى
دمع عنى عليك بيسيل
ياقمر
المصدر: ديوان غنوة الايام
للشاعر عبد الهادى الشعراوى
ساحة النقاش