بعض من الديوان وهو يعتبر اول ديوان عن الثورة
وتم مناقشتهوقام بالمناقشة الاستاذ محمود بطوش الناقد وشاعر العامية وعضو مجلس ادارة اتحاد كتاب مصر فى حضور لفيف من ادباء وشعراء الغربية
الإهداء

إلى كل ثوار الميدان
إلى شهداء ثورة 25يناير
إلى كل قطرة دم سالت
فى الميدان للتحرير
من أجل التغيير
إلى كل العالم
فى كل جهات الأرض
أهدى ديوان
قصة ميدان

مع تقديرى
عبدالهادى حامد الشعراوى

تحية

تحية حب للنت
والفيس بوك
تحية ثورة شبابية
عقل وقلب
تحية لشهدا
حضنوا
رصاص الغدر
تحية شعب
مفتون
بحب الأرض
تحية لمصر



رُباعــية

كتبت عـشانك قـصة ميــــــدان

هـديــــــة لشهـــــيد لـبّى الأدان

وبهتــف واغــنى فى كل مكان

بحـبك يامصر ياأرض الأمان

فرحة


الفرحة لبست
السما والأرض
بإيدين شباب
إتحرروا م القلب
سكنوا الميدان
صاحوا بالتغيير
كان الجواب
النصر والتحرير

آهـ

الظلم عشعش فى الوطن
والدم غطى الرصيف
والآهـ سكنت البشر
من ظلمهم ياااااالطيف
آ ه .. ياوطن محتاج بطل
يمحى الظلام المخيف
آه .. ياوطن محتاج وطن
دافى أمين جامع أليف
فيه أموت وأحتضر
ودعائى يحكمك العفيف

كفاااااااية
بحاول
كل يوم أكتب
وأرسم صورة لبهية
لقتها حضارة مرسومة
بريشة حرة مصرية
بإيد شُبان وفتيات
عطشانة
مشتاقة حرية
ملامح كلها رعود
وبراكيين مدويه
إيد واحده
صوت واحد
سلميه سلميه
لقيت الصرخة
من قلمى
كفايه
خلاص
ياحرامية
كفايه
فساد ودمار
وسلب ونهب
لبهيه

وعمرى
ماهلبس الصمت
لحد ماشوف
بعنية
وقلبى يحس
بأمان وأقيد
الشعلة بإيديه
لعيون بهية
وولاد بهية

إرحل

أنا مش خايف
وأنا بتكلم
أصل القيد
بايدينا إتأمم
كنا زمان
عايشين صابريين
هم وحزن
وجلد يعلم
كان فرعون
جلاده سليط
يجلد يشنق
مابنتكلم
يخرس يدفن
كل فقير
صاح بالآه
أو حتى إتألم
عصر فساد
نظام مفلوت
خلّ عصاه
عَ الجته تعلم
طفح الكيل
بقلوب عطشانه
ووشوش حزنانه

قالوا كفايه
فساد فى كنانة
نهر النيل
حضارة ومٌعلم
قامت الثورة
م التحرير
رافعه شعار
التغيير
يسقط يسقط
سيف سياف
زرع الصمت
فينا وكمم
إرحل إرحل
يافرعون
خَلُى النيل
يغسل ويلملم
خلينا نبنى
مصر الحره
من غير جلد
ولسعة جمرة
خلينا ننسج
توب الخضره
لأرض الرملة
نبنى نعمر
نحمى حضارة
أرض النيل
بمبادئ الثورة
ننفض كل
فساد فى بلدنا
نرفع راية
مصر الحرة
وعشان نعلا
ونعلا ونعلا
لازم نعرف
أعداء بره
مين يحابينا
ومين يعادينا
مين يسابقنا
ومين يساوينا
مين بالحب
يمد ايديه
مين طمعان
فى خير
الأمة

إرحل إرحل
يافرعون
كل الشعب
صحى م النوم
عرف السكة
ماعاد هينام
عصر الصمت
ماعاد له وجود
ولاهيكون



احبك
أحـبــك حـب جـميــع البشـــر
كحـب البـوادى لدنيا الحضـر
وحب الرمال لصوت المطـر
وحب الطيور لأغصان شجر
فحـبك حـقيقــة وأحـلى قـــدر


بيكـفيـنـى إنى بحـبــك ســهـر
وباصـرخ بحـبــك لكل البشـر
ودايب فى حـبك برغم السفــر
ورغـم الفـراق وحــزن الوتر
بحـبـك أغـانى دا حـبـك قـدر
ياغـنـوة فـؤادى يا لحن السنين
يازهـرة ربيعـى تفـوح بالحنين
عمرى ماهـبقى عليكى ضغـين
وبيـنـى وبينــك باحـلـف يميـن
هـطاطـى عـشانـك لحكـم القدر


ها تبقى يا عمرى سفينة نجاتى
ومهما تجـافـينى ومهـما آهاتـى
هـتبـقى مصيرى وتبقى حياتـى
ولحـن إغـترابى ولحـن ممـاتى
بحبك يامصر ما هو إنت القدر

بحــــــبك

باغـنى معــــاكى بكــل اللغات
ياأم لشهـــيد لــبى الآيــــــــات
وبحكى وبهتف وبرفع رايــات
فى عيدك ياأمى ياأغلى الهبات

عشقـتك وعشقـك كان بينادينــا
عـدالة مســــاواة ترفرف عـلينا
فثُـرنا جميعـــــا كـتبنا فى إيدينا
ليرحـــل ظـــلام أحب البيـــات

كتبت عـشـــانك قـــصة مــيدان
هــــدية لشــــــهيد لــــبّى الأدان
وحضن البارود بقــــوة إيمــــان
فزين بدمه جميـــــع الساحــــات

بحــــبك ياأم شهــــيد البطــــولة
أبيـــة عـظيمـــة فى أحلى صورة
دامهــما حــملتى ماهمــك حمولة
تاريخك معـارك كـــله بطـــولات

بحـــبك ياحـضنه ورود الجــناين
صرامة وشـدة عــــلى كل خــاين
أصالة وحـضارة بكــل المــــداين
وأمن وأمـان وكــــلك شيــــــمات



بحــبك ياسمــرة جـــنينــــة ورود
وحــضن كبير مالوهـــش حـــدود
لشهــدا دماهــم على كل عـــــــود
سنابل وخــضرة وعــــطر نبـــات

بحبك وحــــدة صـــليب وهــــلال
تحـــدى صمــود مالوهش مثــال
ويشهـــد عليها يولـــيو وينــــاير
ويـــوم العـــبور فى ست ساعـات

بحـــبك يافرحــة قـلـــــوب الولاد
بكل الحـــوارى وعـرض البـــلاد
صبيــــة قــــــوية ولادك شُــــداد
فــداكى ياأمى لبعــــد الممـــــــات

بحــبك ياسمرة حـضارة ونيـــــل
أصالة وطـيبة وشماخـة نخيـــــل
وورد مفتّــــح من كـل جيـــــــــل
واهب شبابه لرفـــــع الرايـــــات

هقولك بحبك وهـفـــضل أحــــبك
وهــكتب قصـــايد تنادى بحــــبك
ولو خــدنى منك قـبرى هحــــبك
واجاوب فى حضنك بكل ثبـــــات

هقولها فى حياتى وبعد الممــات
ويشـــهد علىّ جمـــيع الفئــــات
بإنك بقــــــلبى وبُعــدك آهــــات
بحبك يامصر فى كل الحــــالات

بقلم / عبدالهادى حامد الشعراوى
الهياتم /المحلة الكبرى

 

المصدر: ديوان غنوة الايام
  • Currently 0/5 Stars.
  • 1 2 3 4 5
0 تصويتات / 250 مشاهدة
نشرت فى 5 سبتمبر 2012 بواسطة elshaarwy

ساحة النقاش

الشاعر عبدالهادى حامد محمد الشعراوى

elshaarwy
عضو اتحاد المثقفين العرب / عضو المركز الاعلامى العربى / عضو الاتحاد العالمى للشعراء والمبدعين العرب /عضو لجنة تقيم الشعر العامى بشعبة المبدعين العر / امين مساعد امانة شعر العامية بشعبة المبدعين العرب / امين مساعد شعبة المبدعين العرب فرع لبنان /عضو رابطة الزجالين وكتاب الاغانى / عضو جمعية الادباء »

أقسام الموقع

ابحث

تسجيل الدخول

عدد زيارات الموقع

7,598